حـقـوووق الضـيــافــه

السلام عليكم ورحمة الله وبركاته
اسعد الله اوقاتكم بكل خير
هذي قصيده سبقت ان نشرتها بأحد المطبوعات وحبيت اشاركم بها في هذا الصرح الشامخ اتمنى ان ترضي ذائقتكم الشعريه العذبه
اهداء لحامد الوابصي

اقلط تقهوى من المحبه بجوفي يالين ماتكمل حقوق الضيافه
واسمر معا حبي وباقي ضيوفي شوقي وعذبات القصايد بقافه
الجوف جوفك لين تاصل كتوفي كله فدالك بين حجم ومسافه
حتى خفوقي جاه عقبك رجوفي ياكيف تبعد وانت عندي لحافه
اقرب هنا جنبي يا اغلى ولوفي جايز تحن شوي وتجيك رافه
ببصر بشوفك وانت تبصر بشوفي البعد كنه بحر وانته ضفافه
لا لا تعذر فالوضع والظروفي الوقت ما يسمح بضحك وطرافه
الجو غايم والقمر امخسوفي واللي يعس الدرب ماعاد شافه
يبغى دليله وانتخى بالصدوفي وقبل جبين الياس يومنه عافه
لو الامل خطوه زحفنا زحوفي ومديت يدي وانتهزنا حلافه
صبر جميل وعارف اني امخلوفي لابـد ما القـاك ماهـي خـــرافه
لو تعرف الكلمات سر الحروفي ولو يعرف المعنى رجال الصحافه
بين الضلوع اللي بصدري وقوفي اني مجسد مجسمك بالحرافه
ياللي كتب حرفك ببصمت كفوفي انته حلى عمري شبيه الكنافه
حلفت باسم الله وتجزم حلوفي تبقى بقلبي دوم فارض خلافه
تعسف هوى قلبي بحبك عسوفي وتطوعه بالحب وتقوى عسافه
واقعد على مر الدهر فيك اوفي لاخون منهو صانني في عفافه
اصلن انا وياك اسرح وطوفي انته هوى قلبي وفرحة زفافه
جاتك شذى الازهار تبغا قطوفي اقطف من اثمار المشاعر قطافه
خذ ماتبي منها ولابه حسوفي اليا قريت القاف زدته لطافه
انته غلى الضيفان واغلى ضيوفي وانته حبيب القلب وهذا اعترافه

وسلامتكمـ