بعض قصائد محسن الهزاني رحمه الله

الســـلام عليكم وحمة الله وبركاته

حبيت اضع لكم بعض قصائد الشاعر محسن الهزاني امير الحرب والغزل اتمنى ان تنال اعجابكم اترككم تستمتعون بهذا الشعرالاكثر من رائع تقبلو تحياتي

مبســـــــــــم هيـــــــــــا


قــالــوا كــــذا مـــبــــســــم هـــــيــا قــلــــــت لا لا =بـيـن الـبــــروق وبـيـن مــبــســـم هـــيــا فـرق

ويـالــلــه بـــنـــــوٍ مــــدلـــهــــم الــخــــــــيــــــــالا =طــــافـــح ربـــابـــه مـــثــل شـرد الـمـهــا الـزرق

لا جــــا عـــلـــى الـبــكـــريــن بــنــــا الـــحـــــــــلالا =ولاعــــاد لا يــفــصـــل رعــــــدهــــا عـــن الـبــــرق

يـســقــي غــــروسٍ عـــقـــب مـــاهـــي هـــــمـــــالا =وحـــط ( الحـــريـق ) ديـار الاجـــــواد لــــه طـــرق

يـســقــي نــعـــــــامٍ ثــــم يـــمـــــلا الـهـــيــــــالا =ويـصــبــح حـــمـــامـــه ســـاجــعٍ يـلـعــب الــورق

جـــرّيـت انـا صـــوت الـهـــــوى بـــاحـــــتـــمـــــــالا =بـــي وســــط بـســـتـــانٍ ســقـــاه اربــعٍ فـــرق

طــبّـيـت مـــع فــــرعٍ جـــــديـــد الــحـــــــبـــــــالا =وظـــهـــرت مـــع فــرعٍ تـنــــاوح بــــه الــــورق

روشــــن ( هـــيــا ) لــــه فــــرجـــتــيـــنٍ شـــمـــالا =وبـــابٍ عـــلــى الـقــبـلــه وبـــابٍ عــلــى الـشـرق

وضــحـــكــة ( هـــيـا ) لــه بالـظــــلام اشــتـعــالا =مـا بـيـن ضــحـــكــتــهــا ونـــور الـقــمـــر فـــرق

بــــــرقٍ تــــــلالا بـــأمـــــر عــــــــز الــــجـــــــــــــلالا =واثــره جــــبـيـن صــويـحـــبــي واحـــسـبه بـرق

يـا شــبــه صــــفــــراً طـــــار عـــنـــهــا الـجــــــلالا =طـــــويـلـــة الـســـمــحـــوق تـنـــزح عـــن الــدرق

لـــه ربــعــــه احـــلــى مـــن حـــلــــيـب الــجـــــــزالا =واحـــلـــى مــن الـســكــر الــى جـــا مــن الـشــرق

حــــنّـيـت انـا حــــــنّـــة هـــــزيـــــل الـجــــــمـــــالا =يـنــقـــض ردي الــخــــيـــل كــدحـــســة الـفــرق

ويـا قـــلّــــةٍ بـــــــي عـــــــالــيــــات الــجــــــبــــالا =مــــاهــــا قـــــراح مــــيـــر مـــن دونــهــا غـــــرق

مــا عـــــاد لـلـصــــبـيـــان فــيــهــا احـــــتــــمـــالا =مـــن كـــود مـــرقـــاهــــا يــديـهـم لـهـا طـــرق

قـــالـــوا تــتــــوب مــن الـهــــــــوى قـــلـــــت لا لا =الا ان تــتــــوب رمـــــاح عــــلــــوى عـــن الــــزرق

قـــالـــوا تــتــــوب مـــن الــهــــــــوى قـــلـــت لالا =الا ان يـتــــوبــــون الـحـــــنــاشــل عــن الـسـرق

قــالـــوا تــتـــــوب عـــن الــهـــــــــوى قــــلـــت لالا =الا ان تـتــوب الــشـــمــس عــن مـطــلـع الـشــرق


[[استغاثة محسن]]دع لذيذ الكرى

دع لذيذ الكـرى وانتبـه ثـم صـل=واستقم في الدجا وابتهل ثم قـل

يا مجيـب الدعـا ياعظيـم الجـلال=يا لطيـف بنـا دايـم لـم يـزل

واحـد مـاجـد قـابـض بـاسـط=حاكم عادل كـل مـا شـا فعـل

ظـاهـر بـاطـن حـافـظ رافــع=سامع عالـم مـا بحكمـه ميـل

ثـم بعـد لطفـك بنـا افعـل بـنـا=ما انـت يـا إلآهـي لـه أهـل

يا مجيـب الدعـا يـا متـم الرجـا=واسألك بالذى يـا إلآهـي نـزل

به على المصطفى مع شديد القـوى=أسألك بالذى دك صـوب الجبـل

الغنـا والرضـا والهـدى والتقـى=والعفو العفو ثـم حسـن العمـل

واسألـك غـاديـا مـاديـا كلـمـا=لج فيه الرعد حـل فينـا الوجـل

وادق صـادق غــادق ضاحـكـا=باكيا كلما ضحـك مزنـه هطـل

المحـث ألمـرث المحـن ألـمـرن=هاميـا ساميـا آنيـا متـصـل

به يحط الحصـا بالوطـا مـن عـلا=منحـو بالرفـا والغنـا بالشلـل

أسألـك بعـد ذا عـارض رايــح=كن طـق متنـي سحابـه طبـل

كن مننه إلـى مـا ارتـدم وارتكـم=فى مثانى السدا دامـرات الحلـل

ناشيا غاشيـا سـداه فـوق السهـا=كن مقدم سحابه يجرجـر عجـل

مدهـش مرهـش مرعـش منعـش=كن لمع برقه سيوف هنـد تسـل

دايـر حـايـر عــارض رايــح=كل من شاف برقه تخاطف جفـل

أدهـم مظـلـم مـوجـف مـركـم=جور مائه يعم الوعـر والسهـل

كلمـا اختفـق واصطفـق واندفـق=إستهل وانتهـل وانهمـل الهلـل

حينما استـوى وارتـوى واقتـوى=واستقل وانتقل إضمحـل المحـل

والفياظ اخصبت والرياض اعشبـت=والركايا ارعجت والمقل اسفهـل

والحزوم اربعت والجـوازى سعـت=والطيور أسجعت فوق زهر النفل

كن وصف اختلاف الزهر في الرياض=تخالـف فـرش زوالـى تـفـل

بعـد ذا علـهـا مـرهـش قـالـط=ربو شهر سقى راسيـات النخـل

راسيات المثانـى اطـوال الحظـور=مستطيل مقاديم الجريـد المظـل

حيثهـن الذخايـر إلـى مـا بـقـا=بالدهر ما يديـر الهديـر الجمـل

تغتنى به ارجـال بـوادى الحريـق=هم اقروم كرام إلـى جـا المحـل

هم جـزال العطايـا غـزار الجفـان=هم شلباب الضيف بليـل هشـل

يا مجيب الدعـاء يـا متـم الرجـا=إستجب دعوتـى إننـى مبتهـل

إمح سيأتـى واعـف عـن زلتـى=فاننـى ياإلاهـى محـل الـزلـل

فنـا الـذى بــك أمــد الـرجـا=فلا خاب مـن مـد فيـك الامـل

وانـت الـذى تهـدى إلنـن قـال=دع لذيذ الكرى وانتبه ثـم صـل

ثم ختمه صلاتـى علـى المصطفـى=عد ما انحا سحاب صدوق وهـل

اشكرك ومن الاعماق انا ابحث بلفعل عن القصيدتين
الله يعطيك العافيه
القصيده الثانيه وللمعلوميه فقط هي القصيده التي استغاث بها الشاعر بعد ان حبسوه عن صلاة الاستغاثه واستجاب الله سبحانه له ورزقهم المطر وعلى مدار شهر كامل كمى اورد الرواه والله اعلم
وكنا نحاول الحصول عليها قبل كم يوم انا وبعض الاخوه

مشكور يا قايد الريم ومحسن الهزاني يرحمه الله يستاهل ان يخلد ذكره بين الاجيال