أسباب السهر

بسم الله الرحمن الرحيم

اعضاء وزار الصرح الشامخ:السلام عليكم ورحمة الله وبركاته

نص اتمنى ان ينال على جزء بسيط من استحسانكم

الإهداء لرفيق دربي طارق البلوي ولكل من سهر الليالي طالباً المجد واصبح عاطلاً


إليكم

ياصاحبي وش مجبر عيوني على طول السهر=غير السواد اللي بنى بيته على مستقبلي

تعال افضفض لك واجر الصوت لعيونك شعر=الشعر يحيي دمدمن بالي يعيش بداخلي

لو كان حالي مثل مظلوم السجون المنكسر=اخر ضحاياه الطموح وضحكة الوجه الحلي

ولا كما عود(ن)قصار اخطاه محني الظهر=يصارع ظروف الزمان وفي عياله مبتلي

خالط عبير الذكريات الماضي انفاس القهر=وستـنـشقك يالضـيم واعطس ولتجي بالمعتلي

خاويت جرحي قلت جرحي غير عن كل البشر=والجرح لو عنده ضمير يحس مازاد ازعلي

شفني جفيت الخلق لن اصفا ينابيعي كدر=شفني اعيش بعالم(ن)مجهول زدته بجهلي

اصلي المغرب عشا واصلي الفجر الظهر=وانا غني المذهبين الشافعي والحنبلي

طارق عرفت الحين ليه العين غرقانه سهر=اصوت لمستقبلي لكن غدا مستقبلي

وسلامتكم