(طفلتي) مع التحية الى الشاعر رائد السرحاني

لي طفلةٍ تملا فراغ البيت في لعب وكلام =يازينها لا تمتمت حلو الكلام بفمها
ماكنها عند الطلب الا زغاليل الحمام =لا رفرفت بيدينها بالغصب اعود يمها
احضن ملامحها غلا واضمها ود وغرام =واحسها تزرع غلا بالقلب يوم اضمها
اصغر العقل الكبير واعيش معها باحترام =في لعبها في ضحكها وايضا بخفة دمها
الله الى راحت معي وترد للناس السلام =تحس من رد السلام يصير هوه عمها
اقصى مطالبها تروح العاب فيها الانسجام =لا حصلت ماودها هذا هو اكبر همها
احبها ويزورني ايضا غلاها بالمنام =واحسها نعمة عسى الرحمن لي يتمها
لكنها مهما تعلى حبها فوق المقام =يبقى غلاها في صميم القلب اقل من امها

صح السانك

رائعة من روائعكـ، استاذنا الكريم

الله يحفظها لك ويرزقكـ برهــا


بإنتظـار ... ابو عبدالله

لكنها مهما تعلى حبهـا فـوق المقـام
يبقى غلاها في صميم القلب اقل من امها

ما شاء الله عليك ابو عمر
الله يخليها لك ويطول عمرك اعواماً مديده
واكثر ماعجبني فيك حكمتك بالبيت الأخير
لجل ماتصادم القوات ..

احضن ملامحها غلا واضمها ود وغرام
واحسها تزرع غلا بالقلب يوم اضمهـا
اصغر العقل الكبير واعيش معها باحترام
في لعبها في ضحكها وايضا بخفة دمهـا


صح لسان شاعرنا الكبير /
فالح عايض السميري

وعسى ربي يحفض لك الثنتين .

وتقبل مروري

أخوك/ زايد الزبني

تسلم ابوعمر
دوم وانت جميل وماتقدم الا الجميل والجزل
وعسى ربي يحفضهم لك
وتقبل مروري

اخوي سعود السرحاني

ازدانت صفحتي بردك الجميل

طول الله عمرك وعطاك الصحة والعافية