طير السعد لــ حبيبّ العازمي

من أجمل القصائد لـ شاعر كبير
سواء في النظم أو فن المحاورة ويعتبر ملكً للمحاورة هو الشاعر / حبيب العازمي
وغنيت من عايد البلادي على لحن ( طاروق ) وطبعا الكلمات لشاعرها الكبيرحبيب العازمي
أهدي هذا النص الجميل لـ رواد(( منتدى بلي)) ولـ أصحاب الذوق الرفيع :

يا طير يا طير يا طير السعد ياللـي تـرف الجنـاح=لا واهنيـك ليـا ضاقـت عليـك الارض خليتـهـا
وان رحت وان جيت ياطير السعد تسبق هبوب الرياح=واظن ما فيه ديره فـوق وجـه الارض مـا جيتهـا
مانته بمثلي تجي وتروح ما يصعب عليـك المـراح=لكـن ياليـت جنحانـك معـي يـا طيـر ياليتـهـا
كله على شان ازور اللي رمانـي بالعنـا واستـراح=اللـي علـى شانـه الاقـدام عنتـنـي وعنيتـهـا
في ماضي الايام اشوفه قدم عيني في المسا والصباح=واليوم حتى العلوم اللي تجينـي عنـه مـا اوحيتهـا
وليا نشدت العرب ماحـد يعلمنـي عنـه ويـن راح=واتعبـت نفسـي وبالنشـده كثيـر النـاس بذيتهـا
لا ووجودي علـى شوفتـك مـره ياظبـي البـراح=ياللي على شانـك العبـره علـى الخديـن هليتهـا
يابو عيون هدبهـا يـزرق العشـاق زرق الرمـاح=ذبحت روحي على كفـك برمـش العيـن واحييتهـا

السلام عليكم ورحمة الله وبركاته

قصيده رائعة بالفعل

شكرا لك أخي بدر

بــــــــــــدر ..

الله يعطيك العافيــــــه على هالقصيدهـ الرائعـــه ..

وللمعلوميه أول مرهـ أعلم عن كاتب هـذهـ الرائعه أنه حبيب العازمي ..

سلمت يالغالي ولا عدمناك ..

أطيب الـمُــنــى ،،

سلمان الـعــــــــرادي

ابو نادر

مرورك ومتابعتك حافز كبير

دمت بخير

سلمان العرادي

مرورك المتواصل يبهج الصدر

دمت بخير

بصراحه كنت ادور على كامل القصيدة

القصيده جميله جدا من شاعر كبير

الابد

الله يعطيك العافيه