من تبوك الورد لين جبال حايل

هذه الأبيات المتواضعه أهداء مني للأخ العزيز المهندس/ محمد بن رشيد السرحاني

جمل الله حال كساب الجمايل = ما تأخر عن مواجيب الجماعه
من تبوك الورد لين جبال حايل = ياسلام الله عليه بكل ساعه
بالوفا والوجود سوى له عمايل=هندسه بالطيب وبعلم الزراعه
ارتقا بالعزم في روس الطوايل=لين نجمه شع وابهجنا شعاعه
ذخر للأدنين ولكل الحمايل=من تعزوى فيه يبشر في سناعه
والعلوم الطيبه تبغى صمايل=والنعم تحتاج أقدام وشجاعه
دربها صعب ومساليكه هوايل= فيه بذل وفيه جاه وفيه راعه
مايدله غير كساب النوايل= مثل أبوأحمدعلى علم ووقاعه
دمثه أخلاقه ويسوى له قبايل=به طبيعه ماتصنعها صناعه
في عجاله صغت عذبات المثايل=أجتهدت بنضمها قدر أستطاعه
يوم جاني علم كساب الجمايل=اطرب لفعله مثل كل الجماعه

وسلامتكم