((خادم الحرمين الشريفين الملك\فهد بن عبدالعزيز رحمه الله ..))
عندما كان مريضاا في لندن في شهر شوال من عام 1385هجري
حيث بعثها الى المرحوم الامير فهد بن سعد يشكو فيها
قساوة المرض حيث قال :
يا بو سعد صارت على أخوك غارات=شهرين اقاسي من شديدالغرابيل
سوالمرض يحمل على اخوك حملات=مافي يدي حيله ولا في يدي حيل
والله فزع من فوق سبع السماوات=وأنا أحمد الله يوم صارت تساهيل
ماينفع الخايف والايام عجلات=الخوف ماينفع ولا القول والقيل
حنا هل العوجا ولابه مراوات=شرب المصايب مثل شرب الفناجيل
لاشك أنا مشغول في كل الاوقات=على الذي حنـــــــــا بظله رجاجيل
ماني على نفسي كثيرالحسافات=لا سلم راسه روسنا رفاع با لحيل
حامي حمانا بالليالي المخيفات=لو صار بالــــــعالم كثير الزلايل
فخر العروبه بالعدل والمساواه=هذاك هو فيصل ولا فيه تشكيل
يشهد له اللي شاهدوا منه ليات=ويشهد له التاريخ جيل بعد جيل
رحم الله خادم الحرمين الشريفين الملك فهد بن عبدالعزيز الّ سعود
قصيده نادره للملك فهد رحمه الله
رد مع اقتباس
المفضلات