وصيه والد لولده

عبدالعزير يــا أصغر عيالي أبو صيك = وصية الوالد على إبنه هداها

أوصيك بتقوى الله عسى الله يهديك = صلي صلاتك لا سعادة بلاها

أوصيك تعطي البر لأمك ولأبيك =أمك وأمك خلي روحك فداها

أوصيك ربعك خلهم بين عينيك =أبذلهم نفسك ومالك معاها

ربعك مثيل الحصن في الخوف يحميك =لو سال دمك بذلتلك دماها

ربعك على درب الجمايل توديك =واللي نسى ربعه طمى في حفاها

إفزع إذا جاك المنادي يناديك =وأن جاك راعي حاجة له قضاها

خلك صبورً لو منافق يعاديك = تفوز بالعليا وهو من وراها

أوصيك لا تجعل كذوب يماشيك =اهل الحسد والكذب احذر بلاها

أخوك ثم أخوك بالنفس يفديك = فأفده بنفسك يوم نفسه عطاها

واذا أشتريت أخوك بالحب يشريك =أخوانك العزوة فهش في حماها

خلي الكرم والجود أسمى معانيك = دار بلا ضيفان يهدم بناها

أوصيك بأختك يا فتى لو تناديك =أسرع وجاوبها وحقق مناها

خلك لها حصناً منيع المساليك *= تعيش في عزك وتحمل عناها

أوصيك من خضرى الدمن لو بتغريك =أبعد وأبعد لا يغرك سناها

أنص الذي يشرفك في معانيك = بنته تصونك ما تشكل ذراها

تجيب منها عزوة لك تواسيك = يوم الشقى تفزع وتطفي لظاها

هذي وصية والدك والأمل فيك = وصية الوالد لحبك هداهـــــا