قبــــــــل الــــــــوداع

لو خسرتك ماخسرت العمر والدنيا متاع
وأدري اني لو خسرتك ماخسرت...إلا القليل

بس فكر زين تعرف من خسر فينا..وضاع
وتعرف إنك لو تلف الأرض.. وتدور بديل

والله إن تبطي..ولو لفيت في كل البقاع
ولو تسوي وش تسوي منت لاقي لي مثيل

وين تلقى مثل شخصي شخص..وطباعي طباع
ووين تلقى مثل قلبي قلب..أو مثلي خليل

البشر واجد..نعم..لكن فرق الأنطباع
يجعلك يمي تميل ..ويم غيري ماتميل

يارفيقي ..أنتبه..وأحسن إلي الأستماع
للمواقف دور في كشف المزيف ..والأصيل

وأنت ماقصرت فيني موقفك.. جدا" شجاع
طعنتك في الظهر فعلا كانت أثبات ودليل

بيض الله وجهك اللي ساتره تحت القناع
ورايتك بيضاء معاي وياعسى عمرك طويل

يعني أعطيك الثقة وتردها بلوي الذراع
ياخي ماشاء الله عليك !!! أبدعت في رد الجميل

مدري كيف أشكرك؟ مدري كيف أرد الصاع صاع؟
كنت أحسب أنك عزيز النفس تطلع لي ذليل

كم وأنا عييت أصدق فيك قدر المستطاع
من غبائي كنت أسكت وأعذرك

وأثر الحصيل:-

جرح قلب ..ميزته في كل يوم الأتساع
ودمع عين ينهمر من ضيقتي في كل ليل

والله اني كنت أحبك حب وأتبعك إتباع
كنت لجل أرضي غرورك بس أسوي المستحيل

كنت أعمى فيك ..لا..لا.. كنت ميت للنخاع
كنت مدري كيف ؟لكن كنت صادق معك حيل!!!

كنت أمارس في الحب لك سياسة الأنصياع
وكنت لاغي معك فكرة أعتزال أو أستقيل

أندفعت بكل مافيني..وسوء الاندفاع
يجبر الأنسان أحيانا" يفكر بالرحيل

صدمتي فيك إنت..خلتني أفكر بأقتناع
إن قتل النفس راحة!! لو انا كنت القتيل

أنفجر راسي من التفكير وأزداد الصداع
كيف أببعد من جراحك ودوشة قال وقيل

صرت سيرة في حلوق الناس..وتالي هالضياع،،
أنتحر ؟ معقول ! يالله وش هذا الغليل ؟

رحمتك يارب لامن ضاقت أمنحني وساع
أنت حسبي في الزمان الجاير ونعم الوكيل

لاغدى مستقبلي والماضي أطراف النزاع
وصفحة الماضي سواد وشي من هذا القبيل

فلازم أنسى لجل أنهي بداخلي هذا الضياع
ولازم أتقوى عشان أحقق النصر الجليل

وطالما إن الهجوم أفضل وسيلة للدفاع
مستحيل أرضخ لو أن الحمل ياربعي ثقيل

والبخيل اللي نساني وأشترى فيني .. وباع
يذلف .. الله لايرده .. والله بجرحي كفيل

وإن سأل عني وجاكم بعد فترة وأنقطاع
علموه اني نسيته بس أنا ماني بخيل

طالما كان السبب في قوتي..قبل الوداع
بلغوه أقل شيء بخالص الشكر الجزيل٠٠0

يسلمووووو
كلام رائع والاروع انه جاءعلى الجرح

قلت الوداع.... وجاوبـت دمعـة العيـن
تجـرح.... بساتيـن الخـدود... النديـه
واغضت..وشفت بعينهـا الحزن..حزنيـن
وصاحت ..على الفرقا ...انـا مـو قويـه
وجاوبتها....ارجـوك ..تكفيـن.. تكفيـن
واللللـللله دمعك....يشعـل النار...فـيّـه
وقالـت ...تعاهدني..عـهـاد المحبـيـن
الله يخـون... اللـي يخـون ...بخويّـه
قلـت ابشري...واللـي خلقـك لاتظنيـن
حرااااام...ماغيرك...عشقـت ..آدمـيـه
وقصّت شعرها...

************************************
وسلامتكـــــــــم

منقول

كلام جميل
بجمال إيديكي ..