من عادات البدو

بسم الله الرحمن الرحيم
السلام عليكم ورحمة الله وبركاته
ارت ان اطرح موضوع (ونعم) وارء معكم من هو (ونعم)

من عادات البدو القديمه اذا سالك من انت وعرف منسبك وربعك قال( ونعـــــــــــم)
لاكن (ونعم) عندهم لها شروط ماهوب كل واحد يستحقها
مايستحقها صاحب المنصب او كثير المال او المشهور لان ماكل مشهور مشهور بالفعل الطيب
بعضهم مشهور بهوايته فقط

خلونا نستشهد بالشاعر المعروف /رشيد الزلامي

ونشوف من يستحق(( ونعــــــــــــــــــــــــــم))

ياموزع النعم

ياموزع النعم خل النعم لاصحابـه

ماينعطـي غيـر للـي يستحقونـه

النعم ينعطـي لرجـلٍ فاتـحٍ بابـه

للضيف وليا بغـوه بحـال يلقونـه

اللي بوقت اللزوم يبيـن مضرابـه

سيـف تحـده لزومـه مايحدونـه

والاالردي لاتقول ونعم يظرى بـه

يرهي على نعم وهوه قاصر ٍ دونه

ليا قلت له نعم قـام يفتـل أشنابـه

يحسبك صادق ما يدري نعم وشلونه

يطمع بشيٍ يموت الخبل ما جابـه

ثم قال أنا جبت نعم اللي يقولونـه

بعض البشر يحلمون احلام كذابـه

ومن لاعرف قدر نفسه عدّ طبلونه

يجيك مسرع مايدري ويش يبلابـه

من قلة العرف ما يمشي علىهونـه

اما على الاقربين اشتـال مشعابـه

والابعرض المقفي سـلّ مسنونـه

تناول الغايبيـن و كثـروا أحزابـه

اللي علـى قلـة الخيـره يدفونـه

واهل العقول سكتوا ماقالوا الجابـه

لا ينقصونـه بشـي ولا يزيدونـه

قالوا هذا فيه عاهـة وابتلشنـا بـه

والا هذا فيه شـي ٍ مـا يعرفونـه

وخلوه يسرح ويمرح خاب من جابه

ما نومس اللي من الصغر يترجونه

تقبلو تحياتي واحترامي

بعيدالمغــــــــازي

ونعم للشاعر
ونعم لِ بعيد المغازي
صح لسان شاعرها
وسلمت إيد ناقلها

اشكرك علي مرورك الجميل