لعيـــــون ربــــعي ..

السلام عليكم ورحمة الله وبركاته

متواضعه اضعها بين ايديكم لعلها تشفع عن غيابي عنكم

من ساعد الالبد تعلمت ثنتين = افخر بربعي واعتلي للجزيله
وانا معا ربعي على الزين والشين = ولعيونهم شديت ظهر الاصيله
من رؤس قوما ترجع الصاع صاعين = قوه تعدل بالزمن كل ميله
ربعي بلي تاريخ زاخر من سنين = يشهد لهم ضرب السيوف الصقيله
من الجاهليه واسمهم بالدواوين = عدوهم يدفن بوسط المليله
ومن بعد ماشعشع على ارضنا الدين = ماتقبل علوم الخزا والرذيله
مع الرسول المصطفى بالميادين = متحيزمينن بالتقى والفضيله
ولاهم بحاجه للحجج والبراهين = أفعالهم في بدر ماهي قليله
ويوم القوامه ماتهاب المعادين = راس المعادي بالمعارك تشيله
بهم الكرم فطره وعاشو عزيزين = ومن طبعهم مايذبحون الهزيله
للضيف ريف وللموالين حلوين = والعز دايم مارضو في بديله
عبرت عن شي به الناس دارين = ماهم بحاجة مدح عرضه وشيله
زرعت شعري في خفوقي بساتين = تلقابه المثمر وتلقى الظليله
وامجاد ربعي ماتسطر ببيتين = وانا خواطر خاطري كل ليله
تثور وسط الجاش مثل البراكين = واثور غيره واجتهد بالوسيله
افخر بهم اقراب ولا بعيدين = لاعاش منهو مايعزك قبيله
حبي لها يبقى بعمري علي دين = لين يتوارا هالجسد في نثيله

تقبلو تحياتي

بدر الالبد

ربعي بلي تاريخ زاخر مـن سنيـن
يشهد لهم ضرب السيـوف الصقيلـه
من الجاهليـه واسمهـم بالدواويـن
عدوهـم يدفـن بـوسـط المليـلـه


,

صح لسانك ولاهنت يالجزل

وبيض الله وجهك

ودي لك

صح السانك ,,,,,,,, وسبعة انعام فيك وفي قبائل بلي ,,, دمت بالف خير

بدر الالبد . .



حضورك لم ينسينا عتب الغياب فقط


بل انسانا سنين الغياب


بدر انت جزل ورب محمد


أطيب المُــنــى ،،

الغالي ( بدر الألبد )

يا مرحباً ، يا مرحباً ملايين


زماان يا الغالي اشتقنا لك و الله

لا تعلم مدى سعادتي بوجودك هنا

،

رائعة من روائعك المميزة

،
لي عودة هنا مراراً كي انتعش بحضوري في متصفحك
و النهل من عذوبة شعرك

افخـر بهـم اقـراب ولا بعيـديـن

لاعـاش منهـو مايعـزك قبيـلـه

حبي لها يبقى بعمـري علـي ديـن

ليـن يتـوارا هالجسـد فـي نثيلـه

صح لسانك وسلِم بنانك أخي الألبد