قصيدة حمد بن عايش بن قرفان المشهوره
السلام عليكم ورحمة الله وبركاته
شبيت ناري
الشاعر حمد بن عايش قرفان رحمه الله رجل كريم وملفا في وقتضنكت به المعيشة وقلت به المؤن وهذه قصيده له بالكرم يطلب الله ان يفرجها عليه وعلى الاجواد في جميع الديار واليكم القصيده:
شبيت نـاري ماتحريـت جـاري جبنا حطب وابهار والبـن جبنـاه
وسويت فنجالـن وفيـه الشقـاري فنجال منقيا عن الحرق مـا جـاه
حماسه اللي ماقلـط لـه فشـاري لا منقص بنـه ولا امكثـرن مـاه
والا الثريـا طالعـه بالمـحـاري يالله عساها تسقـي النجـد بامـلاه
تسقي بدا وابا القـزاز الحـداري وتاصل ورا اقبيقيب واوجد روحاه
ترعد على السرين وتملا الخبـاري وايسيل وادي اشـواق للـي تلقـاه
وايسيل واد العيص حتن الفجـاري وكل اجنبيا سـال واديـه والهـاه
وتسقي بلي هل البيـوت المـذاري وابيوتهـم للضيـف دايـم مبـنـاه
سحابهـا شفـا عليهـم عصـاري وهبـت قبـول وللاجاويـد تنحـاه
تيامنـت لنقيـع وهـاك المحـاري قفا على حبران واللحـف واسقـاه
انـا اطلـب الله ماعليـه مـزاري من عرض حيا يطلب الرب واعطاه
يالله تـرزق موقديـن العصـاري اللـي يسـووا للاجاويـد ملهـاه
اطيب من اللي هرجته بالفشـاري ماشاف ماصادف ولا شاف ماخطاه
واطيب من اللي نازلـن بالمـذاري لني لقيت الضيف راعيه مـا لقـاه
وان ربعت يقطم قطيـم العشـاري يزرا على اللي باع ضانه ومعـزاه
والا على المحـلاب وده يمـاري تقول كنـه تذبـح الكبـش يمنـاه
كنه على نقـل الثقيـلات ضـاري ولكن عمر الضيف ضافه وخـلاه
وسلامتكم/
يرحم الله الشاعر ويسكنه فسيح جناته
رد مع اقتباس
المفضلات