ماكل مايطري ع البال ينقال

‏ ‏قالوا تفكـر قلـت يمكـن ابسكـال =سجيت أفكـر يـوم مـرت أبالـي

هذا الذي مني سبى العقل يا عيـال = وما هو بعيد انـه يسبـب اهبالـي

اشرح لهم همـي بتهريـج وهبـال = وابعد نضرهم عن حسيـن الدلالـي

واقول في نفسي سبب ضيقت البال = الصاحب اللي مـا يفـارق خيالـي

يا نور عيني يا بعـد كـل ألا زوال = لايابعـد بسكـال وينـك تعـالـي

غديت كنـي كـورةٍ بيـن جهـال = واحد فريق النصر وآخـر هلالـي

متعصبين وتابعـوا كـاس الأبطـال = حطوا لهـم مـزروع ياهـم لآلـي

عزي لقلبٍ طـاح مابيـن الأشبـال = وقاموا يشوتونـه جنـوب وشمالـي

خلص تعبت من الصبر والصبر طال = والله ولو صبـري يهـد الجبالـي

صبري نفذ ماله على الصدر مد خال = وأزريت أنا من شي فوق احتمالـي

ولاكل ما يطري على البـال ينقـال = والمـوت بلـي ياطـراء مايقالـي

بعض الحكي يموت في صدر رجـال = وبعض الحكي يذبح الزحول الرجالي

وانامن افراقك غـدا الدمـع همـال = وأزريت ألم اللي على الخد سالـي

عيني من اسبابك حمر دمعها سـال = تفجرت من يومٍ زولـك طـر ألـي

وقلبي غدا مابين الأضـلاع يجتـال = والعيـن عيـت لاتـنـام الليـالـي

وأتعبت رجلي تدلج اقفـاي وإقبـال = والناس ما يدرون بلـي جـرا لـي

أنا احترق بالشمس والناس بظلال = من ضيقتي جالس وحيـدٍ الحالـي

وانتي علامك كن ماني على البـال = قومي معي ناقـف بوجـه الليالـي

ترى الهواء ما هو رسالـة بجـوال = ولاهو بشـات الدردشـة ياحلالـي

الحب جمله تحتـرق ليـن تنقـال =شعور غامض صعب شـيً خيالـي

تحس في قلبك من الشـوق زلـزال = نارٍ توقـد والسبـب بعـد غالـي

شفني عجزت اصبر الى شهر شوال = جيتك امروح يـوم زولـك بدالـي

ما ردني عن شوفتك قلـت المـال = ولاردنـي عنكـم أتعثـر ارحالـي

تعبت عقبك حيل وانسمـت الحـال = وأصبحت مثل اللي من العقل خالـي

في غيبتك عني على الزمـن مـال =ومحداً من الأصحاب عقبك وفالـي

تفرقـوا كلـن مقـفـي ورحــال =وأنا الحالـي انتظـر مـن بقالـي

وأنتي تعبت أترجمك بسـم بسكـال = واكذب على اللي يطرحون السؤالي

خلاص ابعلن عن بطل ضيقت البال =وأعلن لكـل النـاس حبـك تعالـي

والاابرسم لك مـن الطيـن تمثـال = وأنسـاك وحطـه مكانـك إقبالـي

يصبح بعد موتي مثل بين الأجيـال =وعبره لمن حاله غدا مثـل حالـي

قممممممممممممممه
وذووووووووووووق
واللي محليها زود باسكال

فااااااااااااااالك البيرق
هههههههههههههههههههه

مروري وتحياتي

فاااالك الطيب ~

سلمت يمناك