(( قصيده في الرسول صلي الله عليه وسلم ))

هذه القصيده للشاعر خالد العتيبي

وقد قيلت في رسول الله صلى الله عليه وسلم

بعد سمر الجدايل وانتخت بالقذله الهلــــــــــــه=تبي مني عروسٍ للقصيد ازريت لا غويهــا
ويومٍ اني لقيت لها الخلود وجيت ابصلـــــــــــه=تنحر كالكلام اللي فهقها دون مغليهـــــــــا
خضع لك راس مسبوق القصايد وانحنى كلـــه= وانا بك شاعر الدنيا ومشغلهاوماليهـــــا
يذكرني رحيلك مجلسٍ باقي على حلـــــــــــــــه0=مداهيل الرجال اللي تنومسنا مواطيهـــــا
هنا علقت سيفٍ يوفي الثارين من سلــــــــــــه=هنا علقت رمحٍ يطعنى الجوزاء ويطفيهــا
هنا بينت مصحفك الكريم ودلنا دلـــــــــــــــــــه=معك نبدا مواعيد الكلام وننتهي فيهــــــــا
هنا سقيت غصنٍ من غلاك كنا تحت ظلــــــــه0= نسولف بالغنى يا بايع الدنيا وشاريهــــــا
هنا كان البياض رجال ماتقبل خنا الزلــــــــــه=عمايمها سحابٍ وابله باقي مواضيهـــــــا
رجالٍ لو تشوف الماء غدر ما شربته للــــــــه=نبت عشب الرضا ياسيدي باول مغازيهـــا
هل التوحيد وكنوز العلوم ونصرة الملــــــــــــه=رجالٍ يضحك التاريخ لاولها وتاليهـــــــــا
هنا ماضيك ورياض الخليل اللي رعى خلــــــه=شربنا عذبها مادري لعبنا في مغانيهـــــــا
هنا تخنقني العبره وانا اكتب يارسول اللـــــــــه=على قبرك نسيت الناس حاقدها وحانيهــا
وابو قبرٍ يته من الفخر بالبيد وتجلــــــــــــــــــه=على حسدٍ تبين من سمايمها وصاليهــــــا
ويهناه الوفاء قبرٍ يضمك في ثرى تلـــــــــــــــه=مدامه بين فردوس الجنان وبين منشيهــا
وانا لمن ذكرت فراقك اللي في يدي غلــــــــــه=نسيت ان الليالي شيبتني من بلاويهـــــــــا
على بعد الزمان اللي يعقد الحبل ويحلـــــــــــه=ليا مني ذكرتك طاحت الدمعه وراعيهــــــا
سلام الله ماهز الصباح نسرينه وفلــــــــــــــــه=على الطفل اليتم اللي عطى الدنيا معانيها