طال الصبر
قالوا تفكر قلت يمكن ابسكال "=" سجيت أفكر يوم مرت أبالي
هذا الذي مني سبى العقل يا عيال "=" وما هو بعيد انه يسبب اهبالي
اشرح لهم همي بتهريج وهبال "=" وابعد نضرهم عن حسين الدلالي
واقول في نفسي سبب ضيقت البال "=" الصاحب اللي ما يفارق خيالي
يا نور عيني يا بعد كل ألا زوال "=" لايابعد بسكال وينك تعالي
غديت كني كورةٍ بين جهال "=" واحد فريق النصر وآخر هلالي
متعصبين وتابعوا كاس الأبطال "=" حطوا لهم مزروع ياهم الآلي
عزي لقلبً طاح مابين الأشبال "=" وقاموا يشتونه جنوب وشمالي
خلص تعبت من الصبر والصبر طال "=" والله ولو صبري يهد الجبالي
صبري نفذ ماله على الصدر مد خال "=" وأزريت أنا من شي فوق احتمالي
ولاكل ما يطري على البال ينقال "=" والموت بلي ياطراء مايقالي
بعض الحكي يموت في صدر رجال "=" وبعض الحكي يذبح الزحول الرجالي
وانامن افراقك غدا الدمع همال "=" وأزريت ألم اللي على الخد سالي
عيني من اسبابك حمر دمعها سال "=" تفجرت يوما ً زولك طر ألي
وقلبي غدا مابين الأضلاع يجتال "=" العين عيت لاتنام الليالي
وأتعبت رجلي تدلج اقفاي وإقبال "=" والناس ما يدرون بلي جرا لي
أنا احترق بالشمس والناس بالظلال "=" من ضيقتي جالس وحيدٍ الحالي
وانتي علامك كن ماني على البال "=" قومي معي ناقف بوجه الليالي
ترى الهواء ما هو رسالة بجوال "=" ولاهو بشات الدردشة ياحلالي
الحب جمله تحترق لين تنقال "=" شعور غامض صعب شيً خيالي
تحس في قلبك من الشوق زلزال "=" نارً توقد والسبب بعد غالي
شفني عجزت اصبر آليا شهر شوال "=" جيتك امروح يوم زولك بدالي
ما ردني عن شوفتك قلت المال "=" ولاردني عنكم أتعثر ارحالي
تعبت عقبك حيل وانسمت الحال "=" وأصبحت مثل اللي من العقل خالي
في غيبتك عني على الزمن مال "=" ومحداً من الأصحاب عقبك وفالي
تفرقوا كلن مقفي ورحال "=" وأنا الحالي انتظر من بقالي
وأنتي تعبت أترجمك بسم بسكال "=" واكذب على اللي يطرحون السؤالي
خلاص ابعلن عن بطل ضيقت البال "=" وأعلن لكل الناس حبك تعالي
والاابرسم لك من الطين تمثال "=" وأنساك وحطه مكانك إقبالي
يصبح بعد موتي مثل بين الأجيال "=" وعبره لمن حاله غدا مثل حالي
أبو ريان الألبد
رد مع اقتباس
المفضلات