قصيدة الشاعر/ حمود سلمان السميرى بحفل معايدة قبيلة بلى بعيد الفطر المبارك1431هـ

من جوهر الأفكار والعرف غنيت=بنظم القصيده واعتبرها وقاره
وعيدآ مبارك يوم جيتم وانا جيت=والكل منكم يستحق الزيارة
أهلآ هلا ما لاح برق وبينى بيت=وهلت سحائب من مطرها غزاره
واسقت ديار اللي لهم عالى الصيت=ربعي بلي يوم الوعد والجساره
بلي بلي يوم الركائب مشــــاويت=بهاك النهار اللي تطائ غباره
بلي بلي يوم اللقا والثوابـــيــت=عدوهم مكسور فى كل غاره
بلي بلي يا عزوتى لا تعزويت=زبن الدخيل اللي عليه الدواره
تاريخهم واضح وبين وحطيت=بين القبائل وضعهم با الصداره
أرفع بهم رأسى واهلل وحييت=أفعال ربعى فوق سهيل ومداره
ونعم القبائل كلهم ماتناسيت=النعم حقآللرجال الخيـــــــاره
وفرصه سعيده يوم لبوا ولبيت=دعوى الكريم اللي فتح باب داره
وإن قلت ظاهر وإبن ظاهر وسميت=مرفوع راسى وإن مدحت بجداره
طبع الكرم مجبول با الحى والميت=وبا الجد الأول يستحق افتخاره
اهل الدلال اللي على غير توقيت=دائم على جمر الغضا فى حراره
ناقى لها بن اليمن صاحب البيت=والنخب الأول هيلها من بهاره
وإن زغرد الفنجال فيها استلذيت=يغلب شقار البن فيها سماره
فنجالها كيف النشاما تمنيت=يجلى عماس الكيف صقلت حماره
وصالح ولد ظاهر إذا أخذت وأعطيت=عطيته با المدح تقدح شراره
حاز المراجل كلها واستعديت=أعطيه من ضوء المدائح مناره
هذا كلام الصدق وإن قلت سديت=علمى صحيح ولا طلبت استشاره
وصلوا معى على النبى يوم صليت=عليه أصلى سر ولا جهاره

صح لسان الشاعر |

حمود سلمان السميرى

ونعم بربعي كلهم

يعطيك العافيه ولاهنت

صح لسان الشاعر حمود على هالقصيده

صح لسانك حمود

صح لسان الشاعر حمود .

ودي لك