حنـا خلقنـا الله علـى العـز والطيـب
والمرجـلـه مـاكــل رجـــل كفـلـهـا
* * * *
لانظـلـم الغـايـب ولانعـلـم الـغـيـب
لاشـك نعـرف جـدهـا مــن هزلـهـا
* * * *
بعض الخطايا توجع القلب وتصيب
وبـعـض الخطـايـا طيبـنـا يحتملـهـا
* * * *
والكلمـه اللـي قلتهـا فالظهـر عيـب
لاشفتـنـي حــزْم ضلـوعـك وقـلـهـا
* * * *
خـل السوالـف مـال مثلـك مطاليـب
مايعـتـنـي بالسـالـفـه مـــن جهـلـهـا
* * * *
والخطوه اللي دربها وعر وصعيب
شـوري عليـك ان طولـت تعتزلـهـا
* * * *
لاصـار مالـك فالمراجـل مقاضيـب
اترك حمول الطيب واتـرك جملهـا
* * * *
أن جيت أقدر عذري السن والشيب
ولا انت قدرك فـي مواطـي هملهـا
* * * *
يوم القصايد نظمها يصيـب ويخيـب
جتنا القصايـد ترتجـف مـن خجلهـا
* * * *
وان كان لجـزال القصايـد معازيـب
حـنــا مـعـازيــب القصايـدواهـلـهـا
مُنتــــــــــــدى بــــــــــــــلي الرسمــــــــــي
الذين يشاهدون الموضوع الآن: 1 (0 من الأعضاء و 1 زائر)
المفضلات