مزون المراهيش

الملف الشخصي · 10-02-2010, 07:22 AM

هذه قصيده لشاعر (شاهين النوايف) محمد حمدان العثماني وهي رد على الشاعر
ماجد الراشد بعد أن وجه له قصيده يقول مطلعها...

اصدق تحية ود مني على الريش
للي عطا فن القصيده عذوبه

لابو حسام أكتب جنون الدراويش
لاصار حزني بالنهايه عقوبه...

وهي أطول من ذلك وكان ردالشاعر محمد حمدان العثماني بهذه القصيده...

يامرحبا عد المزون المراهيش
الي مع المنشا ترادم نصوبه

ترحيب احلى من حليب النشانيش
در النياق الي رعت من خصوبه

ترحيب باابيات لفني على الريش
مستعجلات وردهن عودوبه

قصيدتك يالخيبري جت على ايش
وشكيت فيها من دهور وجدوبه

والقافيه صعبتها ياولد ليش
ماتدري انا الي نحب الصعوبه

السهل خله للعيال القراقيش
واسمع كلام اهل المعاني بدوبه

أن كان تشتكي من عيال الخفافيش
والوقت وهموم بقلبك شبوبه

وتقول بأنك واحد والعدا جيش
ابشر بنصر يلبس العز ثوبه

بوقف معك والحر وشهوله يعيش
أن مافزع لاصحابه أذا أنتخوبه

وان كان ماقويتها يااشقر الريش
زبنت عن جور الزمان وخطوبه

ربعاً بوقت الهوش دايم مهاويش
اذا بدا غدر الزمن عزروبه

اهل الفعايل والعيال المداغيش
لياسمعو داع الفعل رحبوبه

الى بوجه الضيف دايم مباشيش
بلي طريق المسكنه مامشوبه

يومن عدوان الكرامه مخاريش
ماسندو به ياخوي حدروبه

ماغير مابين النشاما محاريش
ومافيه علم بالردا الا حكو به

ماهمني علم الغثا والقشاقيش
والنفس ماهي من رداهم غضوبه

لآني أنا وياك فوق العرامييش
ومعنا رجال مقدره ومحبوبه

لاجاك خبل وصاحبه واحد ديش
حمدت ربك وابتغيت المثوبه

ارفع جبينك عن رخوم وهلابيش
والرجل يبحث عن تفادي عيوبه

والصبر مفتاح الفرج قفل الشيش
وصلو على محمد ثمانين نوبه