هم ما يخجلون من أنفسهم ؟!!
السلام عليكم اعضاء منتدى بلي الأعزاء
صباحكم / مساؤكم خيرورضا من الرحمن
تكون او تكونين جالس بين مجموعه وتتجاذبون أطراف الكلام سواء بمجلس او في مقر عمل
ويبدأ لك واحد بالروايات الخيالية ,, وإلا يمدح أولاده او وحده تمدح زوجها ,,
أنا ما اقول لا تمدحين ,, امدحيه الله يخليه لك بس باللي فيه ,,
اذكر في آخر سنه بالكلية كنا جالسين مع مجموعه من الزميلات وكنا نتجاذب الحديث,, قامت وحده " الله يستر عليها ويذكرها بالخير " اخوها طيار كيف تبي توصل هالمعلومه ,,؟؟؟
قامت تقص لنا واسمعوا واحكموا
" والله يوم كنا أحنا وبيت عمي بالمزرعه يوم الخميس إلا مادرينا إلا وأخوي موقف الطايرة ونزل وتغدى معانا وغسل يده وركب طايرته ومشى "أقسم بالله إنها هذه حكايتها لم أزيد ولم انقص منها شئ
من ضمن اللي قاعدين اختي بالرغم من مروور سنييين إلا دائماً اختي تقول تذكرين خيالة البنت اللي اخوها سيّر عليهم بمزرعته بالطيارة ......
وغيرها الكثير والكثير من المهايط اللي مال ابوه داعي
صواريخ والله نخجل نقول عيب والمشكله لما تصدر من إنسان متعلم
مره وحده بجمعه تسولف . تقول استاذ ولدي يشرح عن الحور العين وايش معنى الحور ولما خلص الشرح طالع بولدي وقال يعني زيك يافلان ..
وأنا هنا أقول عيب واخجلي من نفسك ..
- دائماً أقول اللي زي كذا مايخجلون من أنفسهم ؟!!
-وسوالفهم هذه مو استهانه بعقول اللي قدامهم ؟!!
_ اكبر صاروخ "كذبه " مر من عندك ؟
يمكن هذا اللي يصير بمجتمع النساء اكثر لأنهن اهل الفشخره الكذابه
والله يهديهن بس والله مو الكل بعضهن سوالفهن عن أدب وعلم جم واسلوب لبق .
ارجو من الجميع المشاركه وعدم الخروج عن صلب الموضوع وفقكم الله
اختكم / خيالة بلي
رد: هم ما يخجلون من أنفسهم ؟!!
المشاركة الأصلية كتبت بواسطة خالد خلف السرحاني
المفضلات