خاطرة ابكتني ,,

الطفوله

أحلى مافي هالحياه
مرحله من غير {هم }
كنـّا دايم نبتسم
كنـّا حتى لو بكينا وجارت الدنيا علينا
بعد لحظـات وثواني
بسمه فينا ترتســم

كنـّا نركض
خلف كوره ( لا لا أنا ماكنت معهم؟ )
وحدي بس بعيد عنهم كنت أنا أضحك عليهم
جالس لحالي أهذري جالس أحسب كم( كوبري )
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام
للبيوت نروح نجري ( لا لا أنا ماكنت معهم ! )
أمشي وحدي بعيد عنهم أمشي وأعدد أثرهم!
وهم عني يبعدون
يبعدون يبعدون
إلا( ماجد )!
كان مثلي حيل ضايق
بس حزنـي كــان حارق
كان يسألني ببراءه :
ليش تعرج ؟ قلت مادري ! - باستياء -
ليش تبكي ؟ قلت مابكي - بكبرياء -
ضاق مني
ثم سألني في غباء
قال ( وثرايك تـثــابق )؟
وراح عنــّــي !!

كنت أسأل دوم نفسي
ليش ما أركض معاهم ؟؟
ليش دوم أمشي وراهم ؟؟
وش
بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله
كل شيٍ أجهله ؟
وإن تعبت من الإجـــابه
أحظن الحيـــره وأنام

مرّت سنين وكبرت
صار همّي اليوم أكبر
حتى دمعي صار أكثر
للأسف توي قدرت
أفهم إني شخص ( عاجز )!
يعني بيني وبينكم
مليون حاجـــز !!!
صدقوني ذي حقيقه
لا طلعت السوق كل ما أمشي دقيقه
القى كل شوي أبله !
يمشي ويناظر صديقه
ويغمز له
يقول : ناظر!
وش يناظر ؟؟
وتتفجّــر في خفوقي
ألف ضيقه
و وَحده في وسط الزحام
طالعتني باهتمام
بنت في عمر الزهور أي رشاقه وأي أناقه
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام
؟
بس أكيد إنها تعرفني شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت

لي قصيده
كنت ناشر معها صوره
بس صوره ياسلااااام
وفاجأتني
لمـّا صارت لي قريبه كانت تـتمـتم بطيبه
{يكسر الخاطــر حـــرااااام ) !!!!!
وتركت دمعه غريبه
وضاعت بوسط الزحــام
دمعه كانت تحكي وضعي زلزلتني
ارتطم قلبي بضلعي دمرتني
صدقوني
أصعب اللحظــات وأقسى
{{لاغدا الرجـّــــال يكسر خاطر انثى}}
كيف ينسى ؟؟؟
جاوبوني !

وزاد همّــي
يوم فكــّـرت بوظيفه ثم زواج
أي وظيفه وأي زواج ؟؟
اللــي مثـلي
مهما طالب لو يلف ولو يدور
زين لو حطـــّــوه كــاتب
لا
وعلى بنــد الأجـــــــور
ماهو رسمي !!!
صدقوني لو تدرّج وصار راتبه ايتصاعد
وابتــدا وضعه يزين
ما أظنه بيتزوّج حتى لو بعد التقاعد >>!

.وفي النهــايه
يابلــدنا مهما كانت( تسميتـنا )
عاجزين ( معوّقين )
لك عهدنا وذا قسمنا:

أقسم بالله العظيم منزل الذكر الحكيم
أن أصونــك يابلادي من شرور العابثين
من مطامع كل حاسد من نوايا كل فاســد
وإني لك حصنٍ حصين
إنتي ناديني وشوفي لا نويتي بالجهــاد
والله أقهر لك ظروفي دامك إنتي لي بــــلاد

وباسم كل العاجزين

دام فينا أصبع يطول الزنـــاد
لا يهمــّـك

راقت لي فنقلتها لذائقتكم

لودرسنا التاريخ بشوية ذمه سنجد علماء وعباقره لهم بصمات وإكتشافات وهم يعانون من الإعاقه أيا كان نوعها وهناك أناس بكامل الصحة والعقل ولكن لا له ولا عليه .............

لودرسنا التاريخ بشوية ذمه سنجد علماء وعباقره لهم بصمات وإكتشافات وهم يعانون من الإعاقه أيا كان نوعها وهناك أناس بكامل الصحة والعقل ولكن لا له ولا عليه .............

بالفعل كم من المعاقين شيدوا صروحاً بعلمهم وكم من صحيح البدن ساعد على خراب بلده وإنتمائه لأعوان الشياطين

اشكر مروورك أخي مشعل

لو يجدون اهتام اكثر راح يبدعون اكثر

لك الشكر على النقل .

لو يجدون اهتام اكثر راح يبدعون اكثر

لك الشكر على النقل .

صحيح لأن فيهم المبدعون والمفكرين
اشكر مروورك اخي سعود

خيالة الحرف الجميل=ما لإحساسك مثيل
يا بلي نفخر ببنت=كنزنا فكر و يخيل
أذهل الصفحه قلم=حبره لا مستحيل

خيالة بلي

شهادتي بقلمك مجروحه

يوماً بعد يوم أتباهى بحرفك أكثر و أكثر



خيالة بلي

مع أن حرفك هنا منقول

ولكن

النص الراقي يفرض علينا أن نقف له إحتراماً

و لقد إخترتي لنا هنا حرفاً

يلامس الإحساس

الإبداع ليس مشروطاً بكتابة الحرف فقط بل كما هو الحال هنا بالإختيار الرااااقي أيضاً



إحساس + فكر + خيال + موهبه = إبداع خيالة بلي


لإختيارك هذا النص الشامخ بما يحمل بين سطوره من إحساس

فأنتي تستحقين

التقييم و وسام التميز



لك

فااااائق

إحترامي و تقديري