شاعر الكحـيت يبغـى الألـمعيه

شاعر الكحيت يبغى الألمعيه= لاكن الموضوع خارج عن نطاقه
رزقة الراعي توزعها الرعيه = والرعيه همها شحن البطاقه
دورو له ياهل الخير اجوديه= لاتكبونه خطيه يارفاقه
لو مديرة مدرسه ماهي صبيه= يحسن الأخلاق معها والعلاقه
ولا استوتله ماعليه من البقيه= مع هل الموضه يسويله صداقه
يترك الكحيت هم والشاذليه =ويتوجه للمواضيع الدقاقه
والغنم والمزرعه تبقى الضحيه= ما وراها الا الوناسه واللياقه
وكان ماحصلت قبل عيد الضحيه=يستريح من الشياكه والحلاقه
للكلام اهداف والدعوه قضيه= والبلاهه بالزمن عكس اللباقه
اتريح لاعملت اللي عليه=والحماقه في صدور اهل الحماقه

خالد سالم السرحاني



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ



رد حسن عبيد السرحاني

خالد السالم لشعره قابليه= صك باب وفك لشعار طاقه
حن مثل الهرش حنه داخليه=هرش يبغى له من اهل النوق ناقه
مايفك الخط وده جامعيه= وده اللي تاخذه تدفع سياقه
وانت للمخلوق ما تبغى الأذيه = مايكمل عضو عضوا" فيه اعاقه
راعي السكر ماعنده آهليه = لو يطلق خمس مايمضي طلاقه
والأبو والعم وابناخ الوليه = وامها واخوانها بأشد فاقه
كلبوهم عايشين من المهيه= واحرموها من مصاريف الأناقه
وانت لو سويت جوله عائليه= شفت لك كم بيت راياته ارواقه
احصهن ليه ورد العلم ليه = كم ورده ذابله في وسط باقه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

رد :خالد

ياحسن عندك علوم وشاعريه =ماعرفتك ياحسن قطاع ساقه
شاعرا" تهوى اللحون السامريه = فيك خير وفيك لاهل الخير طاقه
لك لجيت ولا رفعت المعنويه = وصاحبك مخ الأسد في عظم ساقه
ويش وداك الأمور الداخليه = والعراقي ماتكلم عن عراقه
له هدف منشود والنيه مطيه= والزواج ميسر المولى صداقه
وانت مالك في علوم الباطنيه = شغلة التمريض عاشقها اعشاقه
كيف حال الكون لولا الجاذبيه = والفضى مالي مصالح باختراقه
والعوانس بالبلد ماهن شويه = بين هم الستر واحلام السواقه
والنهايه لا تثور البندقيه = والأصيله ما عليها الا اللحاقه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

ابو وليد
صح لسانك وصح
لسان ابو زياد
لا تشغل ابو زياد عن العمار
شهادتي فيكم مجروحة

ابووليد وابوزياد
علمين من اعلام
ورفقي درب
اسال الله انه يوفقكم ويلبسكم لباس الصحة والعافية
شرح ابوبندر شهادتنا بكم مجروحه
ولكن يعلم الله اني احبكم بالله
ولكم ودي واحترامي وابوبندر معكم

دمتو جميعكم بووووووووووووووود
وخــــــــــــــيـــــــــــــر
وسلم التفكير ابو وليد