* بمناسبة زواج الشاعر الكبير / منيف المنقره

.

.

الليله المنبر شعر .. والشعــر ديوان العرب= وكل (ن) سفير الـــ / لابته ( بالقلطه . أو شعر النظم
في موقفٍ كل(ن) حسب له بالدقايق واحتسب=لنه على حسب أولويات الأهميه مهم
من شانه الــــ / واد القرى جينا وفاء جينا غصب=لأن راع الأوله بالطيب له حق وقسم
ومن غير هذا .. أهل الدعوه عريبين النسب=مناقره أهل الفعول إن قيل هامات وهمم
أشيوخ / فريس بزمان الفعل والسيف الحدب= يومنها من لا قبسها لو يسالم .. ماسلم
أخوان سندا لعـتزو كم فارس(ن) شال العطب=بدروبهم حتى الظواري قسمها يرما دسم
وإن قيل بعيد المدالي قول وأبشر بالكسب=يارد على حد الخطر ولو غسول الدم .. دم
بافعالهم حتى الزمن لو قال عنهم ماكذب=قول الحقايق والحقايق من رواها ما ظلم
لو إنها ماضي مضى واليوم أمن ٍ مـستتب=فيه القبايل كلهم أخوان في ظل العلم
في حكم من حكمه بشرع الله وشرع الله غلب=لين أنجلى الجهل المخيم وارعد إخيال الوسم
واسقى ديار ٍ جرد فيها ( إبن أدم ) ايدور سبب=سبحان رب ٍ كون الأنسان مضغه من عدم
أقوله وياهاجسي لا تاخذك رمشة هدب=وللقول باقي قول وزنادك فكر ماهو قلم
والشيخ أبو نايف مناحي فيه مهما ينكتب=من شعر يقصر دونه ولو يعتلي روس القمم
حكيم راعي راي صايب رايه ايحل النشب=ملفى مطاليق الرجال ومده .. بيمنا كرم
يمنا عطى ماهي بيمنا جمع ماهبا ودب =يمنا كرم ما حسبت لزيادة اثمان الغـنم
ويوم إن بعض الناس من دنياه حصيله تعـب=الشيخ أبو نايف مناحي كاسب(ن) قول و نعم
وبنفس منهاجه رجال (ن) ما أخلفـو هقوات الاب =لين اصبحت بلي بهم تفخر وحلم الأب تم
نايف وعبدالله .. وشاعر بلي . منيف الشنب=اللي ثبت واثبت وجوده لا خلا ولا عدم
شاعر كسب حب الجماهير وكفو لامن لعب=ومن قال أبا أغلبه على قولتهم إبيبطي عظم
ولا غيرته الشهره ولا همه إعلام ولقب=هو منقره والاسم ذا يكفيه حيه من أسم
ولآن : الليله شعر والشعر ديوان العرب=مبروك ياشاعر بلي واقبل تهانينا نظم

* عايد الســـــميري

5 / 12 / 1431 هــ

ابو زياد

صح لسانك على القصيده الجزلة

ويستاهل ابو مناحي كل خير

ارق واعذب التحايا

, , , ,

صح لسانك يابو سالم
,
لك ودي

للشعر عبق مُغاير هُنا . .




أطيب المُــنــى ،،

شاعرناابو زياد

صح لسانك على القصيده الجزلة

ويستاهل ابو مناحي كل خير

أبو زياد
صح لسانك وسلم بنانك
يستاهل منيف بن مناحي وانت كفو يابن العم.