قصيدة بمناسبة الحملة الوطنية ضد الإرهاب للشاعر/ محمد البياضي.

بسم الله الرحمن الرحيم

هذه القصيده بمناسبة الحمله الوطنيه ضد الإرهاب ، وهذا قليل بحق الوطن الغالي الذي قدم لنا الكثير وحكومتنا الرشيده الغاليه والتي تبذل قصارى الجهود لراحة المواطن الذي يقطن أرض هذا الوطن المعطاء والوافدين لهذه البلاد الطاهره .

( وتسلم حكومتنا وتبقى سعوديه )

نبى نحسم الموقف نبى نحارب الإرهـاب
___________نبى الوضـع يرجـع للحيـاة الطبيعيـه
حياةٍ لها معنـى ولهـا فالوجودإعجـاب
___________وبها راحـةٍ للنفـس ميـه علـى ميـه
نبى نطرح الحيه و نبى ندق راس الداب
___________ونقضي على الثعبان والـداب والحيـه
وإذاصفيت الأنفس تصير العبـاد احبـاب
___________ولـذة حيـاة الآدمـي روحـه وجيـه
يروح ويجي بامان والعيـش لذوطـاب
___________حيـاة ٍكريمـه بيـن متعـه وحـريـه
حياةٍ نظيفه كان سلمـت مـن الاسبـاب
___________وبعض القلوب الليّ لنـا تقلـب النيـه
يسود الهدو ويزيح عنـا نظـام الغـاب
___________نظـام دخـل لبلادنـا مـع الحرامـيـه
بحجة رجال الدين والفكر فكـر اجنـاب
___________ضعاف النفوس الليّ لنا تحمـل السيـه
هياكل مطولة اللحـى قاصريـن ثيـاب
___________بشوفـة مسلميـن وضمايـر يهوديـه
اذاجاك احدهم جـاك بسلوبـه الجـذاب
___________وتسمـع عبـاراتٍ جميـلـه ووديــه
على المذهب السني وشايل بيـده كتـاب
___________يمينه بها مصحـف ويسـراه مطويـه
يداعب صغار السـن ويحـدث الشيـاب
___________ويقنـع شبـابٍ دون سـن الثنـاويـه
يهيء لهم جو السعـاده بـدون اتعـاب
___________يصورلهـم حاجـات ماهـي حقيـقـه
بخيمه بناها فالخـلاء بروقـه وطنـاب
___________ويخلـي بهـم ويقـول رحـلات بريـه
يقدم هدايـاه الجميلـه بـدون حسـاب
___________يعززعلاقـاتٍ علـى الـغـش مبنـيـه
هديته دهن العود وطقم وثـلاث العـاب
___________وشنطه بها حاجـات وأشيـاء خياليـه
ومن ثم يجمعهم بناس ٍمـن الاصحـاب
___________نمطهـم نمطـه ونهجـهم نهج سنيـه
ليمابهم مـا يصيـر لوواحـدٍ مرتـاب
___________يطمن نفوسٍ عن خطـا الغيـر محميـه
كبير العصابـه كنـه مسيلمـه الكـذاب
___________عليهم يهـل الكـذب والبطـن ممليـه
يورد كبار الكـذب ويناصـر الاحـزاب
___________ويصنـع كـلامٍ مـا يصنـف بحوليـه
ويبدأ كلامه بَطيَـب القـول والترحـاب
___________ومن سمع هرجه قال هالشيـح مازيـه
وإذا حقق المقصدغرس عشرة الانيـاب
___________بلحم الشباب الغـض وبروحـه الحيـه
يعرض بهم للموت والمـوت بالأرقـاب
___________يصيروا فرايـس للوحـوش الخلاويـه
بهم ياصلون اهدافهـم دون أي صعـاب
___________يقومون فـي تدريبهـم كـل عصريـه
يقولون ذا قول النبـي عالـي الانسـاب
___________وصاتـه لـنـا تعليمـكـم للأمانـيـه
عدوه غيورٍ مخلص ٍشعر راسـه شـاب
___________ويكّد على أمن الطـرق وبكـل دوريـه
يسلم حداهـم بندقـه واخـر المشعـاب
___________وثالـث لـه الخنجـروهـذاك نـاريـه
وواحد نصيبـه قنبلـه وآخر المشهـاب
___________وواحد حـزام وفـرد واخـوه شبريـه
يثوراللغم فـي واحـدٍ شايلـه بجـراب
___________بتأييد مغـرض مقصـده يخـرب البيـه
يهدم منازل مال لـهلهـا بشـي يعـاب
___________ويقضي على ناسٍ بلـى ذنـب وخطيـه
حصيلته كم ميت وكـم واحـدٍ منصـاب
___________وكم جثةٍ من تحـت الأنقـاض مخفيـه
وكم عين من كثر البكاء حرقت لهـداب
___________علـى غالـيٍ تبكيـه والكبـد مكويـه
كواها خبيث ومن عذاب الولـي ماهـاب
___________ويتستـر بشـرع الأديـان السمـاويـه
عيـون الثكـالا دمعهـن دايـمِ سكّـاب
___________وكم ارمله عن اطفالهـا اليـوم منحيـه
وكم من رزينة عقل والعقـل منهـا ذاب
___________وكم أم كـم محـرم لهـا قـال ماهيـه
تشقق ثيـاب الستـر وتفتـح الأبـواب
___________تصيح وتقول النـار مـن حـر مافيـه
وكم كم مستوره كشفها بـدون حجـاب
___________تركهـا ممزقـة الملابـس وحـوريـه
ودام اننا نغرس ولا نجنـي الاعشـاب
___________من النخل نجنـي تمـر حلـوه وبرنيـه
ترى المدرسه بستان نتجه سلوك الشاب
___________ومطلوب منـا سلـوك دولـه خليجيـه
وحنـا لنـا دور مؤثـر علـى الطـلاب
___________به نواجـه الموقـف ونعطيـه أهميـه
مدير ومعلم مثل الاخوه مـن الاصـلاب
___________يـدٍ واحـده فالـدور وبـكـل جـديـه
ومن ينتمي للعلـم بالعقـل والاعصـاب
___________ضروري يتحكـم والمواقـف رجوليـه
لزوم يتصـرف والتصاريـف للالبـاب
___________وذا واجبه لا شـاف حاجـه ضروريـه
وترى الأب دوره يفقد الأبن لنـه غـاب
___________ويتفقـد الباقيـن فـي كــل ليلـيـه
يقـوم برعايتهـم وتوجيههـم بعتـاب
___________ولـوم وأدب وان الزمـت دون حنـيـه
يتابع وش الليّ به يروح وش الليّ يجاب
___________وذا واجـب لكـل أب والأخ مـع خيـه
نصيحه تعم وتشمـل ابعادنـا واقـراب
___________يشومون عـن درب ٍنهايتـه محـصيـه
مادام الرجال رجـال لايرجعـون اذنـاب
___________لجل شرذمـه بنفوسهـم للوطـن غيـه
لا يعطونهم فرصه بنا والكـلاب كـلاب
___________وكـلا يعـرف بلادنـا اليـوم معنـيـه
وحنا حرار اوكارنـا عالـي المرقـاب
___________بنـا عـزةٍ والفعـل ماهـو بعـاريـه
صقورٍ تهد وتشبـع الغيـر بالمخـلاب
___________وكم طيـر لونـه هـد ماصـاد قمريه
تحت حكم ربعٍ ترْجـع الحـق للطَـلاب
___________بهـم نفخـر ونعتـز لا قامـت الهيـه
رجال لهم تاريـخ سُجـل بكـل كتـاب
___________ولا هو بهذا العصر مـن قبـل تركيـه
سيوف على رقاب العداء مقص للأشناب
___________وكم عدو راسه تحـت الأقـدام مرميـه
من فعولهم والفعـل للفـارس الركـاب
___________بوقتٍ مضى بيـن الفـرس والعمانيـه
زمان ٍمضى دور النضا والركاب اركـاب
___________وولد الحصان مـن الخيـول العرابيـه
ووشلون في عصرٍ به الطائرات اسـراب
___________وحنـا نضاهـي كـل دولـه صناعيـه
وسيرة هل العوجاء بها يعجـز الكتـاب
___________مزايـا عجيبـه فـي رجـال ٍعصاميـه
وعبد العزيز انجب وجود لنـا الانجـاب
___________ملـك عقـب ملـوك ٍولا فيـه شكيـه
وغيرأبو متعب نرفض الليّ يدق البـاب
___________وتسلـم حكومتنـا وتبقـى سعـوديـه

يعطيـــك العافيه

يعطيـــك العافيه

الله يعافيك اخي الفاضل/ بدر بن عبدالله العصياني.
تشرفت بمرورك.
وفقك الله.