رميت العصى والميركه والحقب والخرج= وفصخت الرسن من رقبة الحر واعفيته
ركزت الشداد اللي مقامه مقام السرج=وخزنت السلاح اللي من اول على بيته
ومسكة البلاد وبالمجالس يدور الهرج= وياليتني ظليت باشواق والزيته
خطاة المجالس حافله بالعمي والعرج= اداواتهم حيه واحاسيسهم ميته
هذا يلعب البالوت هذا يشوف البرج= على شاشة الجوال نغمة عفاريته
وهاذاك عنده قصة العاصمه والخرج =يقول ان جده ورد البل على هيته
ونا يعلم الله ما اهتويت الكلام الحرج= ولو ماوصل لا عندي العلم ماجيته
هذي ضاهره والخافي اعظم بذاك الدرج= عسى العود الازرق ما تحوسه حلاتيته