من أسعد السحيمي لــ/ عبد اللطيف الحمراني

قصيدة مداعبه رد على / عبد اللطيف الحمراني

ياويلكم مني

ولن تزول هذه الحرب حتى تتقدموا بإعتذار للقسم الشعري

سلام والدنيا حظوظ ومقاسيم = سلام ياهل الخير واهل الحميه
سلام وإسمع مني أحلى تقاسيم = بالعود تبغاها .. أو السمسمية
تدري !! بجر الصدر لين آخر الميم = وآخر نفس وسط الربابه ..بـإيـه
ياكيف تحلب يارفيقي مفاطيم = لاتدري العربان .. تصبح زريه
البل عطايااااآ الله .. وضح ومجاهيم = معروف من فيها .. لهم مقدريه
خلك على البسكوت ابو Ice Cream = وأقرش من الفصفص إلين المسيه
روح البقاله خذ سفن أب او تيم = وأعط الجماعه واحترص بالعطيه
حلـّق دقن .. سوي نظافه وتنعيم = أخير لك من قول هذي وذيه
ودي أطشك وسط برميل بنزيم = وأرميك في محرق بأرض ٍ خليه
ياعسكري لابد نعطيك تطعيم = من علة ٍ جوّاك ياهي خفيه
حنا ترانا كالغيوم المرازيم = نمطر وإذا زدنا تجيك إبرديه
نرقى سنود ٍ للجبال الشغاميم = معلمين أجيال > يابو تحيه
انا محامي واضح ٍ دون تعتيم = والظلم مرضابه .. ولاهو بفيه
وإليا بغيت القاف من دون تفحيم = أكتب وتفرح كل الابيات بيه
إن عاش راسي غير اعيّشك بالضيم = وأزرع براسك يارفيقي وديه

ملاحظه / انا والشاعر عبد اللطيف الحمراني والشاعر محمد عوده والجميل المبدع طلال شليويح أكثر أصدقاء وهذه فقط مداعبات لاتؤثر في علاقاتنا الاخويه