أًَلإقــافــة

أًَلإقــافــة :


-


معناها : من تلقف على شي أي اعتدى علية وقيل انها نوع من أنواع الاوبئة التى التتار ونقلت إثناء غزو التتار لشمال إفريقيا (المغرب العربي) وقيل أيضا هي تفاعلات كيمائية تحدث داخل مخ الملقوف ينتج عنها فعل فيرائي يودى بالغالب إلى إخطار حقيقية ويقال لها عند المصريين بالشقاوة ويسمى المصاب بها في الخليج العربي (بالداشر).



أنواعها : تختلف حسب الظرف الموجودة بة فمنها مايكون بالعين ومنها باللسان وأشدها مايكون باليد.



كيفيتها : إن يقوم الملقوف وهو الشخص المصاب بهذه العادة بفعل لقافه مع الطرف الأخر مما ينتج عند الطرف الأخر ردة فعل معاكسة بالاتجاه وزايدة حبتين بالمقدار .





أسبابها : لم يتوصل العلم الحديث الى تفسير منطقي لها ولكن صرح عالم أمريكي من ولاية لويزيانا وهو يهرب من إعصار كاترينا بان لبعض أنواع الأكل علاقة بها .





علاجها : اذا كان المصاب صغيرا في السن ماله الا التكفيخ على قفاه واذا كان كبيرا وبلغ سن الحلم فيعامل برفق خوفا من ردة الفعل والتى غالبا ماتكون قوية فينصح لة بالكلام اللين واذا لم يستجب فلما مانع من استعمال العقال قليلا على ضهرة .

وهناك نظرية قيلت بان اللقافة تنتقل بالوراثة فاذا كان الرجل ملقوف وزوجتة ملقوفة فاحتمال إصابة طفل او اكثر بوباء أًَلإقــافــة قوي جدا وغالبا ماتتواجد بكثرة عند انتقال البدو الرحل من القرية الصغيرة الى المدينة الكبيرة .








الغداء اتاخرت فية ام الاعيال فخفت أسوي لقافة اندم عليها فقلت مالي إلا ربعي بالمنتدى اسولف عليهم وترى هالكلام الي كتبته من تاثير الجوع فلا دققون كثير .

مافهمت شي لا تلومني لكن تعرف ملقوف

السلام عليكم ورحمة الله وبركاته
صالح يعطيك العافيه على هل الموضوع وياكثر الملاقيف في هزمن
بس اخوي صالح نسيت تتكلم عن الحشري وهوه الملقوف في مرحلت مابعد الستين

السلام عليكم ورحمة الله وبركاته

اخي الغالي صالح شاكر ومقدر لك على هذاا المووضووع بس تصدق انه ما في الاقف

من الرقيقيص واناا في هل المنتدى

صاااااااااااااالح من الا القافه هوو طررحك للمووضووع لييييييييييييش ؟







هههههههههههههههاي لا تااخذنااا يالغالي



ابن بطحاان

إبن مساوي:

تصدق ترانا ماني ملزٌم انك لازم تفهم الموضوع بس اهم شي تعرف ان اللقافة مو طيبة .. ومدام انك صنفت نفسك على انك ملقوف فانصح لك بالعلاج الذي ذكرتة بالموضوع ..
[hr]
الرقيقيص :
الله يمسيك بالخير وترى هالنوعية الى ذكرتها في مرحلة بعد الستين تصنف على انها لقافة متاخرة مثل
المراهقة المتاخرة وهنا يعامل المصاب بها بالتطنيش يعني خذة على قد عقلة لاتواخذه بتصرفاتة وحشريتة
ويعالج انك تعطية حبتين فياقرا فيلوذ بالصمت المطبق عن كل شي الا عن سيرة النسوان خذة ولد في هالموضوع وتراها علاج مجرب وجاب نتيجة ممتازة .
[hr]

ابن بطحــان الجذلي :
شوف انا طرحت او سدحت الموضوع هنا علشان اشوف منهم الملاقيف بالمنتدى وترى الرقيقص شكلة هادى وعاقل ورزين هذا الي واضح من نضرتي السيكلوجية عنة بس انت شكلك يخوف واللقافة عندك واجدة وهذا لايعنى اني غاسل يدي منك سوف ابقى بجانبك حتى تتشافى تماما من داء اللقافة المتزامن من خفة دمك .
[hr]

قد يتسائل واحد او اثنان او ثلاثة او اربعة او اكثر ويمكن مافية احد لايش انا نزلت هالموضوع هنا
ومانزلتة في منتدى الطرائف .
انتم ماتلاحظون معاي ان اللقافة مشكلة اجتماعية موجودة بكثرة وعلى صور مختلفة ولها عواقب وخيمة على الناس المحيطين بالملقوف .. ....

يعني المفحط الان ماهو ملقوف
والي يطارد في النسوان في الاسواق ومجنن بنات خلق الله ماهو ملقوف
والي جالس ينزل سكربتات تجسس في اجهزة خلق الله ماهو ملقوف
والي رافع صوت مسجل السيارة على موسيقى غربية او عربية ماهو ملقوف
والى جالس ياكلك في عيونة من قوة مايناضر فيك عند الاشارة ماهو ملقوف
والى قاعد يتدخل في خصوصيات غيرة ماهو ملقوف
والي جالس يتجمهر مع الناس اذا صار حادث او حريق ماهو ملقوف
والي ....والي...الخ..

قائمة طويلة جدا من الصور والاشكال للقافة ماهما غيرنا اسمها الى قلة ادب او عديم التربية
او ماعندة دم يبقى اسمها الاصلي اللقافة .. وانا اعتبرها مشكلة المشاكل ابحث عن اي مشكلة تجد وراها اللقافة.
وعلى قولة المثل لو كانت اللقافة امراة لعلقتها من شعرها الى ابد الابدين .

تسجيل لقافـــــــه لا أكثر ولا أقل ..