الصديق الكهكهاني

.
بسم الله الرحمن الرحيــم
.

.
أعتذر عن الغياب / قصيدة عمرها 10 سنوات
.
( الصديق الكهكهاني )
.

صدّ من حاله وجاني = من بعد مآنا سليته
يحلف إنه مانساني = ليته يستغفر يا ليته
آنا ماني الأوّلاني = عفت , والماضي رميته
أدري إنه حب ثاني = وشمت عنه ولا رجيته
عزّتي تغلب حناني = وراس مال ( الحر ) صيته
مابقى وسط المحاني = غير ماضيه وطويته
والصديق اللي قراني = لو كتبته ما قريته
بالوفا لونه شراني = بعت روحي وإشتريته
لكن أعطاني زماني = درس عمري مانسيته
قاله فلان الفلاني = بالكلام اللي وعيته
لي صديق ٍ كهكهاني = وآنا مثله كهكهيته
إن طلبته ماعطاني = وإن طلبني ماعطيته

.
أخوكـــم : عبدالله بن محمود المعيقلي
.

والـصـديــق الــلــي قــرانــي لــــو كـتـبـتـه مـــــا قـريــتــه
عز الله ونعم

عبدالله المعيقلي صح لسانك
تقبل مروري سيدي

هلا والله بالشاعر الرائع عبد الله المعيقلي

وصح لسانك يالغلا

كل الود

صح لسانك يا أبو لمـــار
.
قديمك جديد
.

قديمك جديد ياعـــــــــذب


فقط اتحفنا بجميل ما تكتب واسمح لـنا بالمصافحه والبقاء طويلاً تحت هذه العذوبه

أبو بدر .....
هلا وغلا ومرحبا ....
انت سيدنا و كبيرنا ......
انت من نتعلم منه النبل والسماحه .....
أشكر لك مرورك يابو بدر.