ما دام الدين ما له عين وسط الدار يا فزاع ... عسى أمواج البحر تسري عليها ثم تشلعها..

السلام عليكم ورحمة الله وبركاته
أن الشاعر يرى أشياء تستفزه وتثير قريحته الشعريه وأنا شاعر وأستفزني منظر وعبرت عنه بطريقتي الخاصه وشكرا لكم

على سفن القصايد أبتديها ثم أفـل شـراع = أفلّـه مــا أهــاب ولا تخوفـنـي زوابعـهـا
أفلّه فـوق ظلمـات البحـور ولا أنـي بمرتـاع = أفلّـه فـوق أمـواج(ن) تصارعنـي وأصارعهـا
أفلّـه ثـم أقلّـب راسـي أدوّر علـى المطـلاع = ولا أدري وين مغربهـا ولا أدري ويـن مطلعهـا
أسج بفكـري الهايـم وعينـي ملّـت المضجـاع = يسهرنـي رقيـع طبـول مـدري ويـن راقعهـا
تعبـت اعـارك ابيـات(ن) تسرينـي بلـيـا داع = وانا ادري لو بقوله ما خبـرت احـد(ن) بيسمعهـا
ولاكن كلمـه بصـدري ولـو ان الصـدق لـذاع = هـاك الهـرج دام الـراس مـا همّـه توابعـهـا
جرت ذيك الدراهم في يدين الفاجـر اللـي طـاع = هوى نفسه ولا هو رابح(ن) مـن هـو يطاوعهـا
ما دام الدين..ما له عين.. وسط الـدار يـا فـزاع = عسى امواج البحـر تسـري عليهـا ثـم تشلعهـا
طغيت وما دريت ان الله اكبـر منـك يـا طمـاع = يموتـون الاوادم بـس مــا تفـنـى مطامعـهـا
لا جاك الموت مـا ينفعـك لا مالـك ولا الاتبـاع = وحيـد بقبـرك ودنيـاك يـا ظـالـم تودّعـهـا
بوسط القبر لا مال(ن) ولا جاه(ن) وكل شيء ضاع = ولا شهـره وسـط حفـره تضيّـق لـو توسعهـا
عليك الله واكبـر يـا زمـن يـا مشيّـخ المريـاع = سفال القوم ترفعها وروس القوم توضعها

أخوكم ::صالح بن يوسف البلوي

عليك الله واكبر يا زمن يا مشيّخ المرياع=سفال القوم ترفعها وروس القوم توضعها

الشاعر القدير صالح يوسف السرحاني
رحم الله اباك معلمنا
رائعه من روائع الشعر تملك الحكمة ومخافة الله سبحانه
والنصيحة فصح لسانك ابايوسف

الله يرحم ابو مشهوووور ويغفر له يااااااااااارب
مشكور أخوي صالح ويعطيك العافيه

الشاعر الشاب صالح يوسف

مبدع ومميز

اتمنى ان تنظم الى قافلة الشعراء قسم الدواوين ليسهل

على المتذوق لفن شعرك ان يستمتع ويطلع

نتمنى لك كل التوفيق والنجاح

تقبل احترامي وتقديري

صح السانكـ

تميز ذائقتك

تنبىء بشاعرية فذهـ

سلمت درركـ

اخى العزيز
صالح يوسف السرحانى
ماشاء الله عليك
الشعر موقف وانت ابدعت بتصوير الموقف
كل بيت قصيده
وكل بيت معنى
انت شاعر الحكم
لك منى التقدير ارجوا من الاخوان وضع ديوان لهذا الشامخ فى المنتدى
لاانه يستحق ذلك
عين الله ترعاك
ورحم الله اباك
دمت بخير